COMELEC: 10k District 1 voters na-proseso

Davao City – Gidagsa sa katawhan ang gipahigayon nga Satellite registration karong adlawa, September 10, 2019 sa Catalunan Pequeño ning syudad sa Davao sa pagpanguna sa Commission on Elections (COMELEC).

Sa interbyu sa DXDC RMN Davao kang Atty. Krisna Samantha Caballero, spokesperson sa COMELEC-XI, gibutyag niini nga gibana-banaang anaa sa 10,000 ka mga indibidwal ang naproseso sa COMELEC sa unang distrito sa syudad nga gilangkuban sa pagparehistro, pagpa reactivate, pagpa correct, pagpa transfer ug uban pa.

Sa September 11, 2019, adlaw’ng Miyerkules, naka schedule ang satellite registration sa Brgy. 19-C ug sa Huwebes sa Brgy. 5-A ning dakbayan.


Karong September 16, 2019 adlaw’ng Lunes, naka schedule usab ang COMELEC registration sa usa ka dakong mall sa may Ecoland ning syudad.

Nasayran nga hangtud pa sa September 30, 2019 ang maong himuong COMELEC registration apan panawagan sa opisyal nga dili na hulaton ang deadline alang sa pagpaproseso.

RadyoMaN Kirby Manzon

Facebook Comments