Davao City – Gi-angkon karon sa Commission On Election (COMELEC-XI) nga tungod sa technical problem nga nasinatian kagahapon sa pagsugod sa election, adunay mga Vote Counting Machines (VCMs) ug Voter Registration Verification Machine (VRVMs) ang nakasinati’g problema sama na lang sa dugay ug langan nga transmission.
Sumala ni COMELEC –XI Information Officer Atty. Krisna Samantha Caballero, human na gi-testing ug gi-sealing ang mga VCMs niadto pang Mayo 9 una ang piniliay, way nilutaw nga problema sa operasyon niini, apan kagahapong adlawa daghan.
Giklaro usab ni Caballero nga wala nakaapekto sa proseso sa election kagahapon ang nasinatiang problema sa mga equipment tungod kay nahatagan kini gilayon og solusyon.
Giingon pa ni Caballero nga normal lamang kini nga makasinati ug ingon niini nga suliran ang mga makina.
Samtang gipasabot usab ni Caballero nga walay nadaut nga mga Vote Counting Machines (VCMs) kagahapon kon dili naapektohan lang ang iyang function tungod sa nasinatiang problema sa signal.
RadyoMaN Bernard Pantallon
