Comelec-Aklan haum eon, madayon man ukon indi ro Barangay ag SK Election

*Comelec-Aklan haum eon, madayon man ukon indi ro Barangay ag SK Election*
*Ni Dante E. Torcuator*
KALIBO, AKLAN — “Madayon man ukon indi ro Barangay ag SK Election, haum eon rong Comelec-Aklan”.
Raya rong ginpahayag ni Mr. Crispin Raymund Gerardo, Public Information Officer it Comelec-Aklan sa pakikipag-angot kana it RMN-DYKR Kalibo sa programang Straight-to-the-Point.
Suno kana nga rong Comelec-Aklan hay nakabaton eon it pag congratulate sa andang kahauman pinaagi sa paghimo nanda it project precent ag rong schedule it mga election officer sa tagsa-tagsa ka mga banwa sa probinsya it Aklan.
Gin-eksplekar man ni Gerardo nga rong pag taeana it election sa maabot nga Oktubre 23, 2017 hay una sa laye ag samtang uwa pa it laye nga nagamando nga indi madayon ro election hay raya pagapadayunon.
Dugang pa gid nana nga maging kalmado eamang kita ag suportahan do ikamayad it atong nasyon.
Nasayuran nga nagtaeana it 2 bilyon pesos rong ahensya para sa nasambit nga election.

Facebook Comments