Davao City – Andam na ang mga balota ug uban pang dokumento sa Commission on Elections (COMELEC) alang sa umaabot nga Barangay and Sanguniang Kabataan Elections (BSKE) karong October 30, 2023.
Sa interview sa DXDC RMN Davao kang COMELEC Commissioner Atty. George Garcia atol sa Straight to the Point Morning Edition kauban si RadyoMan June Duterte, iyang gipahibalo nga hinay-hinayan na nila’g padala og mga election materials ang mga lagyo nga dapit lakip na ang area sa Mindanao.
Dugang ni Garcia nga nakapag command conference na sab sila kauban ang Armed Forces of the Philippines (AFP) ug Philippine National Police (PNP) aron masiguro ang kahapsay ug kalinaw sa panahon sa eleksyon.
Sa pagkakaron, magpahigayon ang COMELEC og mga training alang sa mga magtutudlo ug personahe sa PNP nga maoy mamahimong Electoral Boards sa umaabot nga piniliay.
RadyoMaN Ivy Parido
Facebook Comments
