Davao City – Nanawagan karon ang Commission on Elections (COMELEC) sa mga kandidato nga hipuson na ang ilang mga election materials daug man o pildi sa 2019 midterm election.
Sa pakighinabi sa DXDC RMN Davao kang Atty. Krisna Samantha Caballero, spokesperson sa COMELEC-XI, gisaysay niini nga responsibilidad sa mga kandidato nga tanggalon ang ilang mga election paraphernalia human sa pinili-ay.
“By practice, ato gyung gina expect nga kining atong mga kandidato, ilahang mga election paraphernalia sila ang namutang dapat sila pud ang mananggal ani, with or without notice ilaha gyud ni dapat tanggalon,” segun ni Caballero.
Saysay ni Caballero nga obligasyon sa mga kandidato nga hipuson ang ilang mga materyales human sa eleksyon diin simple lamang kini nga responsibilidad.
“Ipakita pud nato sa katawhan, sa kadaghanan nga simple lang kaayo na nga responsibilidad ang atong buhaton,” saysay ni Caballero.
Samtang nagpahinumdom usab ang COMELEC sa mga kandidato sa pag file sa ilang statements of contributions and expenditures human sa eleksyon.
RadyoMaN Kirby Manzon
