Subay sa pinaka-ulahing talaan, mukabat sa 1,732 ka kandidato nga gilangkuban sa incumbent kapitan ug mga kagawad ug sa mga aspirant ang nagsumite sa ilang mga COC sa buhatan sa Comelec Davao City kagahapong adlawa.
Nasayran gikan kang COMELEC XI Assistant Regional Director Atty.Gay Enumerables nga mas daghan ang naghikay og COC sa ikatulong distrito kagahapong adlawa human miabot tanan og 750 diin ang mga magpapili sa kagawad mukabat og 440 ka Indibidwal ug anaa sab sa 212 ang magpapili sa pagka- SK Kagawad.
Gisundan kini sa Unang Distrito nga dunay 575 ka kandidato ug nag-una gihapon sa maong ihap ang mga mudagan sa pagka-kagawad nga miabot og 325 ug 181 sa pagka-SK Kagawad samtang ang ikaduhang distrito miabot sa 407 ka kandidato.
Gipasabot ni Enumerables nga ang rason ngano mas bulto ang mga kandidato sa ikatulong distrito itandi sa ubang mga distrito nunot kini sa kadaghang mga barangay nga ubos sa naasoy nga distrito.
Gituhoan nga mutaas pa kining ihapa hangtod sa katapusang adlaw kon sa Sabado sa pagduso og COC alang sa bugnong lugaynon karong Oktubre 30, 2023.
RadyoMaN Joel Viray
