Davao City –Milampas na sa voter’s registration target ang Davao City Commission on Election sukad giablihan ang rehistrasyon sa miaging buwan.
Kini ang gibutyag ni Comelect 1st District Election Officer II Neneng Gestosani nga misobra na sa kota sa rehistrasyon ang ilang buhatan karong panahona.
Segun ni Gestosani nga ang matag distrito gikotahan lamang og 15 mil apan miabot na sila og kapin 20 mil ka registered voters ug mas taas kini itandi sa miaging katuigan.
Dakong kontribusyon ang satellite registration sa matag distrito aron manobra sa target sa rehistrasyon ang Comelec Davao City karong tuiga.
Ug dunay dakong purohan nga mas maglubo pa ang gidaghanon sa magparehistro sa deadline sa rehistrasyon karong Sabado.
Busa sa nabiling mga adlaw dili matud pa usikan sa katawhan ang kahigayonan nga sila marehistro aron sa ingon makaboto sila sa eleksyon sunod tuig.
Gipaniguro sa election officer nga dili mabalaka ang kadaghanan kay sigurado maaku-mudar ra sila tungod sa imuntar nga satellite registration sa Grand Gaisano sa Toril ug SM Lanang lakip na gawas sa Magsaysay park ning siyudad.
RadyoMaN Joel Viray
