Davao City – Mitaas ang ihap sa mga nagparehistro sa Commission on Elections kun COMELEC Davao de Oro sukad niadtong miaging semana.
Sumala ni Atty. Krisna Samantha Caballero, Provincial Election Supervisor sa Davao de Oro atol sa AFP-PNP Presser, kung anaa sa 50-70 per day ang nagaparehistro sa miaging mga bulan, sukad sa miaging semana hangtod ning panahona, miabot na sa 300-400 per day ang gina-cater alang sa rehistrasyon.
Dugang ni Caballero nga mas daghan karon tungod usab sa factor nga Presidential election kini itandi sa midterm elections.
Base sa datos sa COMELEC Davao de Oro, anaa na sa kapin 470,000 ang nakaparehistro as of August 2021 itandi niadtong 2019 nga ilang listahan nga anaa sa 460,000 diin lauman nga madugangan pa kini tungod sa dagsa sa mga indibidwal.
Samtang, gawas sa pagpangandam sa posileng voter registration extension , andam na usab sila sa Filing of Certificate of Candidacy o COC karong October 1, 2021.
RadyoMaN Renz Barbarona
