Davao City – Di na gyud mawala sa mga pinoy nga kung kanus-a ang deadline, didto pa usab magkara-kara apan bisan pa man dagsang ang mga nagparehistro sa Commission on Elections kun COMELEC dinhi sa syudad sa Davao, malinawon gihapon ang ulahing adlaw kun deadline kagahapong adlawa, Nobyembre 30 sa voters’ registration.
Kini ang sigun ni COMELEC- Davao Election Assistant 2 Nelita Gestosani sa interview sa DXDC RMN Davao kaniya diin sumala niya, kumpara kaniadtong sugod sa registration, Nobyembre 6, mas daghan ang nagparehistro kagahapon.
Base sa datos sa COMELEC-Davao diin sa 1st district, 3,554 na ka mga aplikante ang nagparehistro apan muagi pa kini sa Election Registration Board karong umaabot nga December 18 kung aprubado ba ang ilang application ug diha pa mahibal-an kung makakuha na sila og voters certification.
Gipasabot usab ni Gestosani ngadto sa mga wala nakaparehistro nga hulaton ang laing schedule sa registration alang na usab sa 2019 election.
Sa karon, hingpit ng gisirad-an ang voters’ registration alang sa May 2018 election ug wala pay mando gikan sa COMELEC central office kung duna bay extension sa registration.
RadyoMaN Renz Barbarona
