Davao City – Mapasalamaton ang usa ka Jeffry Lendo nga taga Buhangin ning syudad nga nakaapas pa sa pagpa transfer atol sa satellite voter registration nga gimungtar sa Commission on Elections kun COMELEC Davao sa usa sa mga mall dinhi sa syudad.
Matud niini nga dakong tabang ang pag extend sa voter registration sa miaging tuig kutob kagahapon, January 31, 2023 tungod namatikdan niini nga daghan gihapon ang naglinya.
Sa pakighinabi sa DXDC RMN Davao kang Atty. Shajani Ebrahim, Election Officer sa 3rd District, giklaro niini nga kagahapong adlawa ang ulahing adlaw sa voter registration ug wala pa silay nadawat nga memorandum o resolution gikan sa COMELEC main office nga dunay extension.
Hinuon hapsay ug ubay-ubay usab ang nakapaas ug naglinya sa COMELEC Magsaysay ug sa satellite registration sites sa paglusad sa voter regisration alang sa Barangay & SK Elections karong October 2023.
RadyoMaN Don Pulayao
Facebook Comments
