Gitambungan sa mga magpapili karong umaabot Mayo 14 ning tuiga ang gihimong panagtigom didto sa Dipolog Sports Complex, Brgy. Olingan ning dakbayan.
Ang maong panagtigom may kalabot kini sa umaabot nga election sa Barangay ug SK, gitawag kini ug Barangay and Sangguniang Kabataan Election 2018 Briefing and Peace Covenant Signing.
Gihimo kini pinaagi sa personahe sa Pnp sa pagpanguna sa hepe ning dakbayan nga si OIC, P/Supt Darwin Sac Rafer uban sa Comission on Election (COMELEC), Department of the Interior and Local Government (DILG), ug Armed Forces of the Philippines (AFP).
Ang tanang kandidato para sa barangay nga posisyon gikan sa kapitan, kagawad ug sa SK position gi awhag nga mo pirma sa peace covenant aron masiguro ang malinawon, limpyo, non-partisan ug matinud-anon nga election.
Sa pagkakaron ang mga Comelec officers na bisi na sa pag briefing sa mga magtutudlo nga mao ang mo tindog isip mga electoral board karong Mayo 14.
Nanawagan usab ang Comelec sa tanang mga kandidato kung aduna’y reklamo sama nalang sa pagpanghilabot sa mga local officials ug politician sa Barangay and SK polls, kinahanglan motaho gilayon sa ilang opisina aron ila kining mahatag ug hinanaling aksyon.
