Davao City – Nanawagan karon ang Comission on Election (COMELEC) ngadto sa mga mukandidato alang sa 2019 Midterm Election nga likayan ang sayo nga pagpangampanya ug paaboton nalang ang gikatakdang panahon sa campaign period.
Sa pakighinabi sa DXDC RMN Davao kang Samantha Caballero, spokesperson sa COMELEC-XI, na-obserbahan niini nga aduna nay nagapamilit og mga posters sa mga kanidato bisan og wala pa opisyal nga nagsugod ang pagpangampanya.
Gi-angkon ni Caballero nga dili nila mapugngan ang nahisgutan tungod kay ang prohibition of violation labot sa rules and regulations sa Fair Election Act sa pagpangampanya, musulod lamang sa pagsugod sa campaign period karong Pebrero 12, 2019 alang sa mga senators ug partylist representative ug sa Marso 29, 2019 alang sa mga kandidato sa lokal.
“Unta iwasan lang pud nato nga mag campaign sila (mga kandidato) as early as now. Although, wala tay pre-mature campaigning. Just a reminder lang nga we just discourage them.. for a fair election.”
Samtang, gibutyag sa COMELEC spokesperson nga sa kasamtangan, isip pagpangandam sa piniliay, nagamugna na sila sa Electoral board, mga board of canvassers, ingon man nagapahigayon og mga conferences kauban sa PNP ug AFP alang sa ipatumang seguridad karong tali-abot nga eleksyon.
RadyoMaN Kirby Manzon
