Davao City – Nahimo nang tipik sa piniliay sa Pilipinas ang bayolente nga mga panghitabo diin daghan sa mga kinabuhi makalas nunot sa grabe nga bangi sa mga politiko nga parehong hakog sa position.
Lisod mawagtang sa dugo sa atong mga politiko ang bayolente nga lakang batok sa iyang kontra hilabi na kun makita niini nga mudaugay ang kaatbang sa bugnong lugaynon.
Ug aron maseguro ang kadaugan ipabanhig sa pildihunon nga kandidto ang iyang kontra ug ang pait pa gyod kay lakip madamay ang mga inosente nga mga supporterts.
Matud ni Atty. Deo Contreras nga dili malikayan ang ingon niini nga panghitabo sa eleksyon kay mao na kini ang naandan nga kultura sa mga politikong buot masiguro ang kadaugan batok sa iyang kontra.
Ang National Citizens Movement for Free Election (NAMFREL) nagbutyag sa pipila ka rason ngano nagapanghitabo ang bayolente sa eleksyon sa Pilipinas.
Si NAMFREL Convenor Erik Alvea nagpunting sa huyang nga implementasyon sa election law hinungdan mi-ulbo ang violence election-related dala sa grabeng bangi sa mga politiko.
Busa gipahid ni Alvea sa COMELEC ang pagpinatyanay sa mga kontra partidos kay kun napatuman lang unta ang reglamento sa piniliay hayan hapsay unta mapahigayon ang bugnong lugaynon sa nasud.
Aron magtunhay ang Barangay ug SK Elections sa Mayo 14 gihagit sa NAMFREL ang COMELEC nga dakpon ang mga politiko nga nagkupot og mga armas nga walay mga lisinsiya.
Pwede usab matud pa hangyoon sa COMELEC ang mga kandidato nga likayan paggamit og mga armas aron gawasnon ang mga tawo magboto sa adlaw sa piniliay.
Makatabang sa tunhay nga eleksyon ang pag-entra sa mga local government officials aron istoryahon ang magkontrang kandidato nga tumanon kung unsa man ang hugot nga gidili sa balaod sa COMELEC.
RadyoMaN Joel Viray
