Roxas City, Capiz – Ginakonsiderar sang Commission on Elections ang pagkakas sa listahan sang 39 ka mga party-list organizations para sa 2022 national elections, bangud sa kapaslawan nga makapasakop ukon makakuha sang bastante nga boto sa nakaligad nga duha ka eleksyon.
Suno kay Comelec spokesperson James Jimenez, ang delisting sa 39 ka party-list organizations ang base sa Section 2, Rule 3 sang Resolution 9366, kaangut sa RA 7941 o ang Party-List System Act.
Nakasaad man diri nga may poder ang Comelec nga kakason ukon ikansela ang registration sang anuman nga party-list group, organization, okun coalition kun napaslwan ang mga ini nga makapasakop saduha ka magkasunod nga piniliay ukon wala makakuha sang 2% sang boto.
Pila sa mga party-lists nga napaslwan nga makapasakop sa duha ka magkasunod nga eleksyon amu ang ADING; 1-AAMOVER; ANG PAMILYA; AG ALAGAD; ANAD; KAKUSA; KALIKASAN party-list; kag 1-AANI.
Samtang ang mga napaslawan naman nga makakuha sang 2% nga boto amu ang ADING; ATING KOOP; AVE; ABAKADA; BANAT; ABAMIN; APPEND; ANG NARS; TAO MUNA; AKO AN BISAYA; ANUPA; CONSLA; ASEAN; AMEPA OFW; FICTAP; GLOBAL; KMM; METRO; PM; SAMAKO; SINAG; ITO ANG TAMA; TINDERONG PINOY; TRICAP; UNIDO; ALL-FISH; AWAKE; KAMAIS; PBB kag 1-AHAPO.
