Comelec Gun Ban Sa Region 12- Siyam Na Ang Nadakpan!

7

Inah Daven
DXMD RMN GENSAN

Mokabat na  ngadto sa siyam ang  kinatibuk-ang ihap sa mga nadakpan sa nagpadayong pagpatuman  sa comelec gun ban sa rehiyon 12 kutob karong adlawa.

Kini ang gikumpirma  sa rmn gensan, ni police supirentendent  romeo galgo, ang tigpamaba sa police regional office 12.

Sumala niini nga  sa soccsksargen  area ang south cotabato ang maoy  adunay pinakadaghang nadakpan nga nakalapas sa gun ban. Mokabat sa upat ang nadakpan sa probinsya sa south cotabato.

Samtang sa dakbayan sa gensan, duha na usab ang naaresto, ug ang probinsya sa north cotabato duha na ang nasampulan samtang usa lang sa cotabato city.

Dugang ni police supirentendent galgo nga sa kasamtangan napasakaan na ang tanan ug kaso samtang nagpadayon usab ang pagpatuman sa mas hugot nga seguridad sa mga dapit sa region 12 ug tibuok mindanao hilabina karon nga nagkaduol na ang eleksyon.

Facebook Comments