Principiando na Enero 12 meja noche ay pone ya Comelec Gun Ban checkpoint na costa este y weste del ciudad este tiene que hace con el tiempo de eleccion na entero paiz.
Asegun con el abogao si Atty. Stephen Roy Cañete del Comelec Zamboanga, el Comelec gun ban ay esta hasta na mes de Junio donde el maga otoridad istrictamente ay implementa con el mencionao lei.
El Martial Law checkpoint na Divisoria ay converti para na Comelec gun ban checkpoint donde ay tene que chequia con el maga motorist quien ta pasa.
Na costa weste, banda na Upper Calarian ay pone con el checkpint fuera pa con el maga spot checkpoints que ta planta el maga pulis y soldao na diferentes parte del ciudad.
Asegun con Cañete todol permit to carry firearms ay tene que cancela.
El maga congresista debe dos lang tiene body guards pero de uniporme mientras el alcalde tenia pa que man request guardia desde na Comelec.
Ta pidi si Cañete con el public para coopera con el gobierno amediante con el tiempo de pulitica.
<www.avast.com/sig-email?utm_medium=email&utm_source=link&utm_campaign=sig-email&utm_content=webmail>
