Davao City – Moabot na sa 90% ang pagpangandam karon sa Commission on Election (COMELEC) atol sa umaabot nga piniliay sa Mayo 14.
Kini mao ang pamahayag ni COMELEC-XI Regional Election Attorney Spokesperson Krisna Samantha Caballero atol sa gipahigayong AFP-PNP presscon kinsa mibutyag nga nagapadayon sa pagkakaron ang briefing sa Board of Electoral Inspectors (BEIs) gani usab ang pagpadala sa nga election paraphernalia sa matag voting precints.
Sa record sa COMELEC, adunay 3, 775, 553 ka mga registered voters sa tibuok Rehiyon 11 diin 1, 223, 575 niini ang sa Davao City.
Dugang niini, gibutyag ni Atty. Caballero nga mokabat sa 2, 573 ang ni-file og COC isip Punong Barangay, 21, 252 sa pagka-Kagawad, 2, 982 sa SK Chair, ug 10, 355 sa pagka-SK Kagawad.
Sumala sa abogadong tigpamaba sa COMELEC-XI, nagapadayon sa pagkakaron ang ilang Oplan Baklas ngadto sa nagkadalin-laing kabarangayan ning syudad atol sa ilang pagmonitor sa mga malapason sa Election Law.
Dugang ni Caballero, hugot ilang koordinasyon sa AFP ug PNP ilabi na sa pagdeliver sa mga ballot boxes ngadto sa nagkadaling tunghaan kung aha mahinayon ang pagboto.
RadyoMaN Jason Amisola
