COMELEC: Kapin 3M botante sa Davao Region

Davao City – Muabot sa kapin 3,000,000 ang natalang total number sa registered voters dinhi sa rehiyon XI alang karong umaabot nga May 2019 midterm elections.

Sa datos nga gipagula sa Commission on Elections kun COMELEC-XI pinaagi kang COMELEC XI spokesperson Atty. Krisna Samantha Caballero nga sa maong ihap, adunay 900,000 nga voters niini ang narehistro sa Davao City, kapin 425,000 sa Davao del Sur, dul-an 200,000 sa Davao Occidental, kapin 600,000 sa Davao del Norte, 462,000 sa Compostela Valley, ug kapin 300,000 sa Davao Oriental.

Subay niini, giingong wala na usab angay kabalak-an ang mga botante gumikan ang bag-ong machine nga gamiton karong umaabot nga eleksyon mao ang gitawag nga Voting Machine, gipa-enhance sa COMELEC diin asa duna nay resibo human makahulog sa form gani basahon na usab sa machine ang mga forms nga dunay shades nga 25 % lang ang na-cover sa circle apan pahinumdom gihapon sa buhatan nga tarungon og shades ang mga circles sa mga kandidato nga buot iboto.


Gani magpahigayon usab og kampanya ang COMELEC bahin sa nasangpit nga machine aron usab makit-an sa katawhan ilabi na sa mga botante ang gamitong makina sa May 2019 midterm elections.

RadyoMaN Renz Barbarona

Facebook Comments