Davao City – Giklaro karon sa Commission on Election (COMELEC) nga wala gidili ang pagdala og kodigo atol sa mismong adlaw sa eleksyon karong Mayo 13, 2019.
Sa pakighinabi sa DXDC RMN Davao kang Atty. Krisna Samantha Caballero, spokesperson sa COMELEC-XI, gibutyag niini nga walay problema ang pagdala og kodigo sulod sa presinto basta dili lamang kini ihatag sa uban.
“Okay lang magdala og kodigo. Ang ato lang ana is ayaw lang ipasa imong kodigo pagkahuman. So, pagsulod nimo, bitbiton pud nimo pag gawas ang imong kodigo,” segun ni Caballero.
Samtang subling nagpahinumdom si Caballero nga ayha pa man ang pinili-ay, kung mahimo matan-aw nang daan ang ilang mga pangalan kung asa nga partikular nga presinto sila moboto aron dili na lisod ang pagpangita niini atol sa mismong adlaw sa eleksyon.
RadyoMaN Kirby Manzon
