Pagadian City – Nanghinaut ang Commission on Elections – Comelec 9 nga motugot ang tagdumala sa mga malls ug buhatan sa Comelec Central Office nga adto ipahigayon sa mga malls ang voter’s registration sa pag-abli og balik niini.
Sumala ni Atty. Jay Balisado ang director sa Comelec-9, sugod Agosto 1 hangtud Septiyembre 30 ang gikatakda nga pagrehistro alang sa mga mobotar sa umaabot nga May 2020 nga eleksyon sa Barangay ug Sangguniang Kabataan (SK).
Ang Comelec niawhag nga sakyan ang maong higayon nga makaparehistro ang dili pa rehistrado nga botante.
Ang Comelec bukas kini gikan alas 8 sa buntag hangtud alas 5 sa hapon gikan sa Lunes hangtud Sabado apil ang holidays alang sa mga magparehistro.
Facebook Comments
