Davao City – Gikonsidera sa Commission on Elections (COMELEC) malampuson ang gipahigayong 2019 midterm election niadtong adlaw’ng Lunes, Mayo 13, 2019.
Sa pakighinabi sa DXDC RMN Davao kang Atty. Krisna Samantha Caballero, spokesperson sa COMELEC-XI, gibutyag niini nga gawas nga nagmalampuson, hapsay usab ang nahitabong piniliay partikular na dinhi sa syudad sa Davao.
“Generally, very peaceful ang atong peace and order. We considered it a successful conduct of the May 13, 2019 here in Davao City,” segun ni Caballero.
Nagpasalamat usab ang buhatan labi na sa dedikasyon sa mga magtutudlo nga nagsilbing electoral boards o mga frontliners sa election sa pagsugod hangtud nga kini nahuman. Ingon man sa kapulisan, kasundalohan ug sa tanang law enforcement agency alang sa gipatumang seguridad hangtud nga nahuman ang piniliay.
“Magpasalamat ang COMELEC especially diri sa Davao City sa tabang nga gihatag sa atong mga magtutudlo, their dedication. Walay tulganay hangtud sa mahuman ang eleksyon. Very good job kaayo sila. And also mapasalamaton pud ta sa atong kapulisan, kasundalohan and all law enforcement agencies,” sasay ni Caballero.
RadyoMaN Kirby Manzon
