COMELEC mo-desidir sa poster areas

Davao City – Ang Commission on Election (COMELEC) mismo ug dili ang barangay ang magbuot sa mga lugar o designated common poster areas asa ibutang ang mga campaign materials sa mga kandidato alang sa 2019 midterm election.

Sa pakighinabi sa DXDC RMN Davao kang Atty. Krisna Samatha Caballero, spokesperson sa COMELEC-XI, gisaysay niini nga kung kulangon man ang mga common poster areas, mamahimong mag letter request sa COMELEC ang barangay nga under approval pa usab sa buhatan.

Gikumpirma sa opisyal nga hugot nga gibawal ang pagpapilit sa mga campaign materials sa mga government offices sama sa City Hall. Bawal usab ang pagpaskil sa mga punoan sa kahoy, sa mga tulay, overpasses/underpasses, ug uban pa.


Gipasabot usab sa COMELEC-XI spokesperson nga bisan ang pagbutang og posters/tarpaulins sa mga pribadong lugar, kinahanglan kining adunay pagtugot sa tag-iya ug kinahanglan gihapong musunod sa standard nga sukod nga 2 feet by 3 feet subay sa patakaran sa COMELEC.

RadyoMaN Kirby Manzon

Facebook Comments