Davao City – Nagpahimangno si Atty. Gay Enumerables sa COMELEC-XI sa mga kandidato nga nagkabit ug mga tarpaulin ug posters sa ilang mga sakyanan nga tanggalon, human sa ilang pag- file sa Certificate of Candidacy.
Sumala ni Atty Enumerables, kalapasan kini sa lagda sa Commission On Election, kung magpabiling gikabit ang mga posters sa mga sakyanan, tungod makonsidera na kining pre mature campaigning.
Matud sa opisyal, angayang sundon sa mga kandidato sa Barangay ang lagda sa pagpangampanya, aron dili sila makit-an sa ilang mga kontra ug ebidensya aron sila ma-disqualify sa posesyon nga ilang madag-an human sa piniliay.
Ang pahimangno sa COMELEC, tinukmod sa namatikdang convoy sa mga kandidato sa ilang pag-abot sa COMELEC, kay ang mga sakyanan adunay daghang posters ug tarpaulin nga adunay nagpahiyom nga dagway sa kandidato.
RadyoMaN Erin Lumosbog
Facebook Comments
