Inilabas ng Commission on Elections o COMELEC ang mahahalagang petsa sa paghahanda ng poll body sa pagdaraos ng Barangay at Sangguniang Kabataan (BSK) Elections sa Disyembre 5.
Ayon sa COMELEC, simula sa October 6 hanggang October 13, 2022 maliban sa October 9, isasagawa ang paghahain ng Certificates of Candidacy o COC ng mga kakandidato.
Sa October 6 hanggang December 12, 2022 naman magpapatupad na ang COMELEC ng gun ban kasabay ng pagpasok na ng election period.
Sisimulan naman ang campaign period o pangangampanya ng mga kandidato sa November 25 hanggang December 3, 2022.
Ayon sa COMELEC, magbubukas ang polling precincts sa December 5 mula alas-7:00 ng umaga hanggang alas-3:00 ng hapon.
Sa January 4, 2023 naman ang huling araw ng paghahain ng Statement of Contribution and Expenditures o SOCE ng mga kandidato bilang pagtalima sa Omnibus Election Code.
