Nagpahinumdom ang Commission on Elections (COMELEC) nga kung dili undangon sa mga kandidato ang paggamit sa ilang mga jingle nga aduna’y bastos ug gender insensitive content, mamahimo silang ma-disqualify sa umaabot nga piniliay.
Gibutyag ni COMELEC Chairman Atty. George Garcia nga wala gibabagan ang mga kandidato sa pagpatugtog og jingle nga makalingaw aron makuha ang atensyon sa publiko apan gilayong likayan ang law-ay nga mga pulong nga makatamak na sa katungod ubang tawo.
Kini human namatikdan nga aduna’y mga partido sa kaulohan kinsa nagapangampanya gamit ang mga jingle nga nakalapas na sa prinsipyo sa pagka sensitibo, aduna’y diskriminasyon, makasakit ug nakasupak sa Magna Carta of Women.
Pahinumdom sa COMELEC nga kung dili kini mawala o maundang karong semanaha, mamahimong mag-atubang sa disqualification case ang kandidato subay sa Barangay and Sangguniang Kabataan Elections (BSKE) 2023.
RadyoMaN Ivy Parido
Facebook Comments
