Sa interbyu sa DXDC RMN Davao kang Atty. Gay Enumerables, COMELEC XI Asst. Regional Director, kinahanglan mutuman ang mga kandidato sa balaod aron wala kini mahimong mga violations.
Aduna nay giilang mga common poster areas sa Region XI una nagsugod ang kampanya sa mga national candidates kagahapong adlawa (Pebrero 8, 2022).
“Ang atong mga election officers naa nay mga listahan sa mga common poster areas, identified na nila. Nagbutang sa sila’g signages didto nga mao na ang ilahang mga common poster areas,” sumala ni Enumerables
Matud ni Enumerables, gidili ang pagbutang og mga campaign materials sa mga punoan sa kahoy ug poste, subay niini mamahimong makataod og mga campaign materials sa private properties apan dili kini mulapas sa two feet by three feet.
Maglusad og ‘Operation Baklas’ ang COMELEC ug PNP batok sa mga posters nga anaa wala sa mga designated common poster areas.
RadyoMaN Aimee Guinita
