Davao City – Nagpahimangno karon ang Commission on Election sa tanang mga kandidato sa Barangay and Sangguniang Kabataan (SK) elections nga karong Miyerkules June 13, 2018 ang deadline sa filing sa ilang mga Statement of Contributions and Expenditures (SOCE).
Gikanayon ni COMELEC XI Regional Director Atty. Remlane Tambuang atol sa interbyu sa DXDC RMN Davao nga aron iakomodar ang mga wala pa kasumite sa ilang mga SOCE nga abli ang COMELEC sa tanang field offices karong adlawa June 12, Independence Day.
Tanang kandidato gikinahanglan nga mu-file sa ilang mga SOCE sulod sa 30 diyas human sa election base sa Sec 14 sa Republic Act No. 7166.
Mamahimong ma-diskwalipar ang mga kandidatong wala ni-comply sa pagsumite sa ilang mga SOCE.
Base sa record sa COMELEC XI mokabat sa 1,162 ang mga kandidato sa punong barangay, 8,087 ka mga Kagawad, 1,161 SK Chairman ug 6, 677 ka SK Kagawads.
RadyoMaN Aimee Guinita
