Dipolog City-Naghinam-hinam karon ang mga estudyante ug mga katawhan dinhi sa syudad ug sa tibuok probinsya sa Zamboanga del norte tungod kay karo ang unang adlaw sa pagdawat sa COMELEC sa buot magpa rehistro.
Gikalipay sa mga magpa rehistro tungod kay dili na sila kinahanglan mo adto sa buhatan sa comelec kay adunay himoong satellite registrations ngadto sa mga tulunghaan ug mga malls.
Ang voters registration sugod karong adlawa Agosto 1 hangtod Setyembre 30.
Pero samtang wala pa nila na plastar ang ilang kagamitan alang sa ilang mobile registration didto sa moadto sa buhatan sa COMELEC ang buot magpa rehistro karong adlawa.
Giingon ni COMELEC Election and Barangay Affairs Department Director Teopisto Elnas Jr., ang duha ka bulan nga voter registration, para kini sa bag-ong botante sa (SK ug mga regular voters), transfer sa rehistro ug reactivation sa rehistro.
Gilaumang mo abot sa duha ka milyon nga bag-ong botante ang magparehistro sulod sa duha ka bulan.
Diri sa dakbayan sa Dipolog ug sa mga kalungsuran sa tibuok probinsya sa Zamboanga del norte lauman nga anaa na’y pipila ka mga inbidwal ang mo adto sa buhatan sa comelec para magpa update ug magpa rehistro alang sa mga bag-ong botante.
Kini nga rehistro may kalabutan kini sa nagkaduol nga eleksyon karong sunod tuig sa Barangay apan padayon pa kining gi debatihan sa kamara kay adunay hulungihong nga adunay pag oktaba sa eleksyon sa barangay.
