Davao City- Ipaabot sa Commission on Elections (COMELEC) ngadto sa Malacañang ang sugyot nga ideklarang holiday ang October 30 subay sa Barangay and Sangguniang Kabataan Elections (BSKE) 2023.
Ang maong balita gikalipay sa mga netizens tungod matud pa nga ang uban kanila mubyahe pa gikan sa layo nga dapit ug muoli sa ilang tagsa-tagsa ka probinsya aron muboto ug dili na maapas pa nga mubalik dayon aron mutrabaho.
Komento sa usa ka John Carlo Cruz sa FB post nga kung ugaling kini maaprobahan, matagaan og higayon ang katawhan nga makapahuway ug makauban ang pamilya sa pagbisita sa minahal sa kinabuhi nga mipanaw na sa laing kalibutan idip paghinumdom kanila sa All Souls Day.
Matud pa ni COMELEC Chairperson George Garcia nga karong adlawa, maghatag sila og request form ngadto sa Malacañang aron sa hingpit matugotan nga mahimong holiday ang adlaw sa piniliay.
RadyoMaN Ivy Parido
Facebook Comments
