COMELEC nakatala na og kapin 11K voter registrants

Davao City – Muabot na sa kapin 11,000 ka mga indibidwal ang nakaparehistro sa Commission on Elections (COMELEC) XI alang sa National and Local Elections (NLE) gikan niadtong February 12 hangtod gahapon February 15, 2024.

Sa pakighinabi sa DXDC RMN Davao kang COMELEC XI Assistant Regional Director Atty. Gay Enumerables, 11, 587 ka mga applicants ang na-process na sulod sa tulo kaadlaw.

Kapin 2,000 sa tulo ka distrito sa Davao City, 1,522 sa Davao del Sur, 2,261 sa Davao del Norte, 2,821 sa Davao de Oro, 2, 536 sa Davao Oriental ug 265 sa Davao Occidental.

Subling nagpahimangno si Enumerables sa publiko nga samtang sayo pa, magparehistro na aron malikayan ang mga kakulian tungod kutob lamang kini sa September 30 ning tuiga.

“Start na atoang continuing registration, please visit COMELEC offices. Kasi open atong opisina para mag-accept application for registration, transfer, reactivation, correction. It’s from 8:00 AM until 5:00 PM, Mondays through Saturdays including holidays,” pahinumdom pa ni Enumerables.

RadyoMaN Ivy Parido

#TatakRMN