Comelec, nanindigang hindi babaguhin ang desisyon sa pinalitang party-list representative ng mga magsasaka

Walang balak ang Commission on Elections (Comelec) na baguhin ang kanilang desisyon sa pag-apruba nito sa inupong kinatawan ng Magsasaka Party-list.

Ayon kay Comelec Chairman George Garcia, nagdesisyon na sila sa isyung ito at pinayuhan na lamang grupo na ang kwestyunin sa Supreme Court ang kanilang desisyon.

Kanina, muling nag-rally sa Comelec ang grupo para kuwestiyunin ang desisyon ng En Banc.

Ito ay matapos na magdesisyon ang komisyon na palitan ang kinatawan ng party-list na si Atty. Argel Cabatbat at ipinalit ang isang Roberto Nazal Jr.