Davao City – Hugot nga gidili ang pagpang apod-apod og sample ballots atol sa mismong adlaw sa eleksyon karong Mayo 13, 2019 subay sa patakaran sa Commission on Election (COMELEC).
Sa pakighinabi sa DXDC RMN Davao kang Atty. Krisna Samantha Caballero, spokesperson sa COMELEC-XI, gibutyag niini nga mamahimong ihatag ang sample ballots ayha pa man ang eleksyon basta dili lamang atol sa adlaw sa piniliay.
“They are no longer allowed to give it on the day of the election. Dili na sila pwede didto mag pwesto sa baba sa mga polling center or sa atong mga eskwelahan og didto ipang-apod apod sa ilang mga sample ballots. Dapat kanang mga sample ballots nila, ihatag na nila beforehand,” saysay ni Caballero.
Dugang pa ni Caballero nga mag-atubang og reklamo ang kinsa mang makabuhat niini basta aduna lamay reklamante ingon man ma-presenta nga mga ebidensya.
RadyoMaN Kirby Manzon
