Davao City – Padayon nga naghimo og ‘Operation Baklas’ ang mga personahe sa COMELEC sa tulo ka distrito ning dakbayan sa Davao ngadto sa mga posters sa kandidato nga nakalapas sa Fair Elections Act panahon sa kampanya sa Barangay ug SK Election.
Subay sa Datus gikan sa COMELEC ang mga lugar nga nahuman na ug nabaklas sa 1st District mao ang Brgy Maa, Magtuod, Matina Pangi, Langub, Mabini, Talomo, Bago Aplaya, Kapitan Thomas Monte Verde, Magallanes, Baliok, Dumoy, Catalunan, Matina Aplaya ug Matina Crossing.
Samtang miadto usab ang mga personahe sa Comelec sa Second District ug gipang tang-tang ang mga posters sa mga mosunod nga barangay: Barangay Agdao, W.Aquino, Gov.Paciano, Bangoy, Buhangin, Indangan Tigatto, Bunawan, Gatungan, Mahayag, Mudiang, San Isidro, Colosas, Fatima, Lumiad, Mabuhay, Malabog, Tibungco, Buhisan, Hizon, Angliongto samtang sa 3rd District, mao ang Barangay Calinan, Tugbok, Marilog, Mintal ug Baguio Districts ning syudad.
Sumala ni Nelita Gil-Gestosani ang Election Assistant 11 sa Comelec, adunay gipahigayon nga briefing sa Electoral Board Members niadtong Mayo 4 diin human niini ilang gisugdan ang operation baklas ngadto sa mga naasoy nga lugar.
Samtang ugmang adlawa aduna usab ipahigayon nga ‘Operation Baklas’ sa 1st District: Barangay 76-A Bucana, Bolton, Roxas ug S.l.R sa 2nd District : Brgy Panacan, Angliongto, Pampanga, Lapu-lapu, Leon Garcia, R-Castillo, Sasa ug Bangoy CES ug NHS samtang sa 3rd District mao ang San Miguel, Don Juan ug Barangay Binugao.
RadyoMaN Don Pulayao
