Davao City – Nagsugod na ang Commission on Elections (COMELEC)-XI sa pagdawat sa mga botante nga buot magpa update sa ilang status sa COMELEC.
Sa interbyu sa DXDC RMN Davao kang Atty. Krisna Samantha Caballero, spokesperson sa COMELEC-XI, gibutyag niini nga sugod July 1 – 31 ilang himuon ang pag-update sa system niadtong mga nagkaproblema sa ilang registration sama niadtong na-deactivate ingon man kadtong wala nakapa-biometrics.
“For July 1 to July 30 which is atong gina-follow karon is kadtong updating lang sa atong system. Kadtong mga na-deactivate sa atong registration. Kadtong wala nakapa biometrics atong i-biometrics. Naay mga updating sa ilang mga status. Kana ato nang gina-receive karon,” saysay ni Caballero.
Samtang gibutyag ni Caballero nga ginahulat na lamang nila ang resolution gikan sa COMELEC main office labot sa pagdawat og mga bag-ong aplikante nga magparehistro sa buhatan diin subay sa calendar of activities sa buhatan naka-schedule kini sa Agosto 1 hangtud Setyembre 30 karong tuiga.
“Pagsulod sa August 1 until sa September 30, that’s the time na mo-accept na ta og registration para didto sa atong mga new applicants in preparation for the Barangay and SK election on 2020,” tataw ni Caballero.
RadyoMaN Kirby Manzon
