Pagadian City – Padayon nga nangandam ang Commission on Elections (Comelec) Pagadian alang sa ipahigayong mid-term elections karong May 13, 2019.
Gibutyag ni Atty. Edmun Rey Calo ang bag-ong City Comelec Officer nga gikatakdang ipahigayon ang duha ka adlaw nga pagban-bansay sa Board of Canvassers ug human niini hulaton nalang ang mga election paraphernalia nga gamiton sa piniliay alang sa final testing ug selling.
Gidugang pa ni Atty. Calo nga andam na usab ang mga Electoral Board human kining nipa-ilalom sa training niadtong bulan sa Marso.
Sa pikas bahin minado si Atty. Calo nga pipila ka mga kandidato sa syudad ang nakalapas sa mga guidelines sa pagbotang sa ilang mga tarpaulins.
Usa sa mga nalapas mao ang pagbutang niini sa mga punuan sa kahoy busa nagbahad ang election officer nga ilang himoon ang operation baklas kun dili gayud musanong ang mga politiko.
