Davao City – Gipasabot sa Commission on Elections kun COMELEC ang kalabotan sa giingong premature campaigning alang sa 2019 Midterm elections.
Sa gilusad nga AFP-PNP presscon, gitino ni COMELEC-XI Regional Election Attorney Spokesperson Krisna Samantha Caballero nga sukad niadtong tuig 2009, gitanggal na ang balaod bahin sa premature campaigning busa sa karon nga eleksyon, wala nay balaod nga nagaingon nga magsilot sa bisan kinsang kandidato nga nagabuhat sa premature campaigning karong election period.
Sumala sa tigpamaba nga nasayod sila mga dagkong tarps, mga pasalamat sa bisan unsang pamaagi sa mga kandidato karong panahona sama sa fiesta ug pagbutang sa ilang mga posters sa mga balay o establisemento apan dili kini nila masilotan kun makasuhan gumikan sa pagabolisar sa balaod bahin sa premature campaign apan hugot gihapon nila kining gidiskurahe ug gihangyo ang mga kandidato nga mamahimong angay ug limpyo sa pagpangampanya karong eleksyon.
Dugang niini, gibutyag ni Caballero nga og magsugod na ang campaign period karong February 12, 2019 alang sa mga senators ug partylist ug karong March 29, 2019 alang sa local officials, dinha pa usab magsugod ang pagsunod sa og unsay nakabutang sa fair elections act ug resolusyon sama sa unsay size sa tarp nga gamiton ug asa kini ibutang gani og kinsa man ang makasupak niini o dili musunod sa balaod siguradong mag-atubang gayud og tukmang silot.
RadyoMaN Renz Barbarona
