Davao City – Striktong giobserba sa Commission on Elections (COMELEC) Davao ang pagpatuman sa health protocols aron maseguro ang safety sa tanan kontra COVID-19 atol sa filing of Certificate of Candidacy.
Sumala ni COMELEC XI Asst. Regional Director Atty. Gay Enumerables, sa period of filing gikan Oktobre 1 hangtod 8, kung magpositibo sa COVID-19 ang mga mukandidato pwedi nga ang ilahang mga representative ang muduso sa ilahang mga COC.
Gibutyag ni Enumerables walay online filing ug kinahanglan nga physically masumite ang COC sa aspiring candidate o representative niini sa COMELEC office.
“Basta sa filing pwedi representative basta may Authority to file pero pag mag-withdrawal dapat personal talaga,” sumala niini.
Samtang, nagpahimangno si 2nd District Election Officer Atty. Mohammad Fyzee Alim nga kung nahuman na og file ang kandidato inkasog nagpositibo kini, kinahanglan ma-contact trace ang tanang mga adunay exposure ug mupailawom sa RT PCR testing.
Hinuon giklaro sa buhatan nga wala gi-require sa mga mupapili sa local elections ang negative RT PCR sa COVID-19 atol sa ilahang filing.
Abli ang COMELEC office para sa mga musumite sa ilang mga kandidatura karong weekends.
RadyoMaN Aimee Guinita
