Davao City – Nanawagan karon ang Commission on Elections (COMELEC) nga pahimuslan ang kahigayunan sa pagparehistro o unsa pang angay i-proseso aron makaboto sa sunod nga eleksyon.
Sa interbyu sa DXDC RMN Davao kang Atty. Krisna Samantha Caballero, spokesperson sa COMELEC-XI, gibutyag niini nga adunay nay ipahigayong satellite registration sa matag barangay aron dili na lisod sa nahisgutan ang pag-adto sa opisina sa buhatan nga nahimutang sa Magsaysay Park ning syudad.
Gikumpirma ni Caballero nga ubay-ubay nga mga botante nga na-deactivate sa listahan rason nga gidagsa ang buhatan sa mga buot magpa reactivate.
“Medyo daghan daghan ang atong mga na-deactivate sa atong listahan. So gina-expect nato nga medyo daghan daghan gyud pud ang mga rehistrante nga magpa-reactivate para makabotar sila sa sunod nga eleksyon,” saysay ni Caballero.
Nasayran nga gisugadan sa COMELEC niadtong Agosto 1, 2019 ang pagdawat sa pagparehistro ug uban pang ipa-proseso ug mulungtad kini hangtud sa Setyembre 30, 2019.
RadyoMaN Kirby Manzon
