Manila, Philippines – Sisimulan na ng Commission on Elections (Comelec) sa Lunes, February 11 ang canvassing ng mga resulta ng February 6 plebiscite para sa Bangsamoro Organic Law (BOL).
Ang poll body ay tumatayong National Plebiscite Board of Canvassers (NPBOC).
Ayon kay Comelec Chairperson Sheriff Abas – muling magko-convene ang NPBOC sa susunod na linggo lalo at wala pang inaasikasong certificates of canvass.
Sinabi naman ni Comelec Spokesperson James Jimenez – inaasahang darating ang certificates of canvass ngayong weekend.
Nilinaw ni Jimenez na ang canvassing ay nagpapatuloy sa local level.
Ang NPBOC ay nakatakdang i-canvass ang nasa 8 certificates of canvass partikular ang nasa Lanao del Norte at mga bayan ng Aleosan, Carmen, Kabacan, Midsayap, Pigkawayan, Pikit at Tulunan sa North Cotabato.
