COMELEC: Strictly no campaigning sa Holy Week

63

Davao City – Nagpahimangno karon ang Commission on Election (COMELEC) sa mga kandidato sa taliabot nga eleksyon nga hugot nga gidili ang pagpangampanya atol sa Semana Santa.

Sa pakighinabi sa DXDC RMN Davao kang Atty. Krisna Samantha Caballero, spokesperson sa COMELEC-XI, gibutyag niini nga gidili ang pagpangampanya sa Holy Week partikular na sa Abril 18 (Huwebes Santo) ug Abril 19 (Biyernes Santo).


“Naa na sa atong COMELEC resolution 10429 nga during sa Holy Thursday ug Good Friday, bawal ang pag campaign sa mga kandidato,” segun niini.

Gipasabot ni Caballero nga sa maong mga adlaw, bawal ang pag house to house, pagpahigayon og rally, handshaking ug uban pa. Hinuon, wala gibawal ang pagpamilit og mga posters/tarpaulins sa maong panahon.

Dugang pa sa opisyal nga makonsidera nga election offense ang paglapas sa maong guidelines sa buhatan subay sa Fair Election Act.

RadyoMaN Kirby Manzon

Facebook Comments

From Advertisers