Davao City – Mokabat sa 60 na lang ka mga aspiring candidates nga mupapili pagka Mayor, Bise Mayor, House of Representatives ug konsehal ang anaa sa talaan sa Comission on Elections Davao.
Ni-withdraw sa iyahang kandidatura pagka konsehal sa 3rd District si Orlando Fulguerinas.
Gisumite mismo ni Fulguerinas ang iyahang Sworn Statement of Withdrawal sa iyahang Certificate of Candidacy ngadto kang 2nd District Jerry Mujal pasado alas 9 sa buntag.
Sumala ni Mujal walay ni-file og substitution kang Fulguerinas.
Gibutyag ni Mujal nga dili na pwedi ang substitution sa mga kandidatong ni-withdraw sa ilang mga COCs human sa deadline kagahapong adlawa.
Apan giklaro sa opisyal nga ang mga kandidatong namatay o nadiskwalipika mamahimong makapa-substitute kutob lang sa mid-day sa eleksyon basta kapareho niini’g apelyido ang muhulip kaniya.
Ug gikinahanglan nga i-nominate ang usa ka substitute sa partido o coalition sa iyang i-substitute nga kandidato.
RadyoMaN Aimee Guinita
