Sa interview sa DXDC RMN Davao kang COMELEC Commissioner Atty. George Garcia atol sa Straight to the Point Morning Edition kauban si RadyoMan June Duterte, iyang gibutyag nga sa oras nga mapamatud-an ang pagpamalit og boto, mapahamtangan og petition of disqualification o kasong kriminal ang kandidato.
Dugang sab niya nga malinawong nahuman ang Certificate of Candidacy (COC) filing ug namatikdan nga wala kaayo’y mga election materials sama sa flyers ug tarpaulin nga nakasabit sa mga kalsada ug poste.
Sa pagkakaron, anaa ang Task Force Against Premature Campaining o Oplan Baklas aron maaksyonan ug masilotan ang kandidatong mag una-una og pangampanya.
“Sa ating mga kababayan, wag po nating iboboto yung hindi samusunod sa patakaran. Kung ngayon pa lamang po pinapakita na nila ang paglabag sa ating mga batas, ano po ang ating aasahan sa mga kandidatong yan na hindi sumusunod sa batas lalo na pag nanalo na at nagsilbi na sa inyo lalo po nila iba-violate kahit na ang ating mga karapatan,” pahimangno ni Garcia.
RadyoMaN Ivy Parido
