Davao City – Giawhag sa Commission on Elections (COMELEC)-XI ang publiko nga pahimuslan ang kahigayonan nga makaprehistro sa pagbalik sa voter registration sugod karong adlawa Disyembre 12, 2022, pagpangandam sa Barangay ug Sangguniang Kabataan (SK) Elections sunod tuig, 2023.
Sa interbyu sa DXDC RMN Davao kang Atty. Gay Enumerables, tigpamaba sa COMELEC-XI, gisulti niini nga gawas sa voter registration sa mga opisina, ginaplastar na usab karon ang pagpahigayon niini sa mga mall sa dakbayan diin kini gihimo na sa kaniadto.
“Probably diha gihapon. Ang SM Lanang is for the second district. SM Ecoland is for the first district. So, ang atong mga Election Officers ang mag-set up ana,” gibutyag ni Enumerables.
Mamahimo na nga makaparehistro ang 15 anyos pataas, diin magdala lamang og valid ID, ball pen ug pag-fill out sa mga form atol sa pagproseso.
RadyoMaN Kirby Manzon
Facebook Comments
