Davao City – Gitataw karon sa Commission on Elections kun COMELEC nga wala nay lugway sa voters registration alang sa May 2019 elections.
Sa pakighinabi sa DXDC RMN Davao kang Nelita Gestoasni, election officer II sa 1st district sa Commission on Elections atol sa tulumanong Serbisyong Straight to the Point, giklaro niini nga kutob nalang karong adlawng Sabado, Setyembre 29, 2018 ang deadline sa rehistrasyon, alas 8 sa buntag kutob alas 5 sa hapon.
Busa giawhag karon ang mga qualified voters nag edad 18 anyos pataas ug mag 18 anyos on or before May 13, 2018, mamahimo ng magparehistro aron makaboto sa umaabot nga eleksyon.
Kinahanglan lang magdala og valid ID alang sa mga buot pa muapas sa rehistrasyon, mag pa transfer og lugar, corrections sa record sama sa pangalan o date of birth, ug sa mga magpareactivate.
Sa pikas bahin, gibutyag usab ni Gestosani nga inay sa October 1-5, 2018 himuon ang filing of candidacy, kumpirmadong ipahigayon na kini karong October 11-17, 2018, walay labot ang adlawng Sabado ug Domingo.
RadyoMaN Renz Barbarona
