Davao City – Wala sumala pay napaabot nga reklamo sa Commission on Election (COMELEC) batok sa mga pabadlong nga pulitiko atol sa Semana Santa.
Sa pakighinabi sa DXDC RMN Davao kang Atty. Krisna Samantha Caballero, spokesperson sa COMELEC-XI, gibutyag niini nga walay napaabot sa ilang buhatan labot sa mga kandidatong nangampanya atol sa Huwebes ug Biyernes Santo nga hugot nga gidili subay sa patakaran sa COMELEC.
“Wala mi na receive nga reklamo or complaint as regards sa kadtong nag campaign during Holy Week,” segun niini.
Una nang nagpahimangno ang opisyal nga gidili nga mangampanya sa maong panahon subay sa COMELEC resolution 10429 diin makonsidera nga election offense ang paglapas sa maong guidelines sa buhatan subay sa Fair Election Act.
RadyoMaN Kirby Manzon
