Davao City – Sa pagsugod sa local campaign period, subling nagpahinumdom ang Commission on Election (COMELEC) labot sa mga rules ug guidelines nga angay sundon sa mga kandidato subay sa fair election act.
Sa pakighinabi sa DXDC RMN Davao kang Atty. Krisna Samantha Caballero, spokesperson sa COMELEC-XI, nagpahinumdom kini nga 2 feet by 3 feet ang standard nga sukod sa ilang mga posters/tarpaulins ug angay lamang usab kining ibutang sa mga designated common poster areas nga gihatag sa buhatan.
Nagpahimangno usab si Caballero nga mag-atubang gayud sa paglapas sa fair election act ug mapahamtangan og election offense kung magmagahi sa pagtanggal sa ilang mga illegal campaign paraphernalia.
Samtang gibutyag sa opisyal nga sa preperasyon sa buhaton karon, anaa na sa 60% ang ilang ka-andam diin nahuman na ang pag print sa mga balota ug nahuman na usab ang trainings sa mga electoral boards.
RadyoMaN Kirby Manzon
