Davao City – Dili lamang sumala pa ang Commission on Election (COMELEC) ang mupahamtang og silot ngadto sa mga empleyado sa gobyerno nga mag-awhag sa publiko sa pagboto sa usa ka kandidato, kundi lakip na usab ang civil service ug ubang ahensya sa gobyerno.
Sa pakighinabi sa DXDC RMN Davao kang Atty. Krisna Samantha Caballero, spokesperson sa COMELEC-XI, nagpahimangno kini sa mga government employees nga mamahimong non-partisan o biased sa usa ka political group.
Gisaysay ni Caballero nga hugot nga gibawal ang pagpangampanya, pagmugna og grupo sa pag solicit og boto, pagboto o pag-awhag sa dili pagboto sa usa ka kandidato.
“Dapat maging fair lang ta, being a civil servant employees.” sigun ni Caballero.
Apan gipasabot sa opisyal nga wala gibawalan ang mga trabahante sa gobyerno sa pagpadayag sa ilang freedom of expression o paghatag sa ilang kaugalingon nga mga opinyon.
RadyoMaN Kirby Manzon
