COMELEC-XI: Election gun ban violators kihaon

Davao City – Awtomatiko nga mapahamtangan og kaso ingon man penalty ang kinsa mang makalapas sa ipatumang gun ban atol sa tali-abot nga May 2019 Midterm Election.

Kini ang gibutyag ni Atty. Samantha Caballero, spokesperson sa Commission on Election (COMELEC)-XI atol sa pakighinabi sa DXDC RMN Davao kaniya.

Matud ni Caballero nga makonsidera nga election offense ang kinsa mang masakpan nga magdala-dala og armas atol sa election period, diin nasayrang makulong ang usa ka violator og dili mu-ubos sa usa ka tuig ug uban pang sanctions subay sa rules and regulation sa COMELEC.


Labot niini, dugang ni Caballero nga kinahanglan nga karon pa lang daan mag secure na og certification gikan sa COMELEC ang mga buot mo-apply og gun ban exemption panahon sa gun ban period sama sa kapulisan o mga security agencies.

Nasayran nga gikatakdang magsugod na ang election period ingon man ang gun ban karong Enero 13, 2019 hangtud sa Hunyo 12, karong tuiga.

RadyoMaN Kirby Manzon

Facebook Comments