Davao City – Ipaskil na sa Commission on Elections Davao Region karong ang talaan sa mga botante karong Pebrero 13 ning tuiga.
Kini matud pa kang COMELEC Davao Asst. Regional Director Atty. Marlon Casquejo atol sa interbyu sa DXDC RMN Davao.
“Ang kulang nato ang date nalang kung kanus-a mag-train ta sa mga BET ug katong mga BDOC, atong mga official ballots katong old nga na-print last time nga na-postponed mao man toy gamiton,” sumala ni Casquejo.
Gisulti sa opisyal nga mas daghan ang clustered precincts karong tuiga kung ikumpara sa nilabay nga 2016 nga eleksyon.
Gikatakda nga karong Abril ang filing sa Certificate of Candidacy kun COC sa mga kandidato.
Segun ni Casquejo nga positibo nga mahinayon ang Barangay ug SK Elections karong Mayo base usab sa nahimong assessment didto sa Public Hearing nga gipahigayon sa Zamboanga City niadtong Enero 22 ug aduna pay laing Public Hearing nga himuon karong petsa 29 sa Cotabato City.
“Ang concern man gud sa postponement is didto sa area nga duol sa Marawi City, diri sa Davao mag-agad lang mi kung muingon sila nga dayon ang eleksyon kaya man nato nga ipadagan ang eleksyon. Ang feedback nila is mura’g idayon na nila ang Barangay Elections sa Mindanao,” segun ni Casquejo.
Dugang niini nga manual ang mamahimong piniliay karong Mayo.
RadyoMaN Aimee Guinita
