Sa interbyu sa DXDC RMN Davao kang Atty. Gay Enumerables, Assistant Regional Director ug tigpamaba sa COMELEC-XI, gibutyag niini nga ilang gihunong ang pagpangandam sa eleksyon subay sa mando sa COMELEC central office.
Matud ni Enumerables, paabot na lamang ang 15 ka adlaw nga gihatag sa SC sa mga nagpetisyon, apan kung tan-awon ang sitwasyon, daw lisod na nga makapahigayon og eleksyon tungod sa mubo nga panahon sa pagpangandam.
“Paggawas sa law pag-suspend sa BSKE karong December, gi-stop pud namo among preparation and then here comes the ano (petition) ni (Romulo) Macalintal, nagbalik napud mi sa preparation pero dili na gyud makaya sa oras,” saysay ni Enumerables.
Kahinumduman nga gilagdaan ni Presidente Ferdinand “Bongbong” Marcos Jr., ang Republic Act 11935 sa pagsuspende sa BSKE sa Disyembre karong tuiga.
Sa pagkakaron, wala pay direktiba sa pag-resume sa voter registration matud sa COMELEC official.
RadyoMaN Kirby Manzon
